شماره‌ى حاڵه‌ته‌يل مردن وه ڤايرۆس كۆرۆنا له ئه‌مريكا روێ له داوه‌زين كرد
2020-04-14T11:12:25+00:00
شه‌فه‌ق نيوز/ زانكۆى جونز هۆبكنز ئه‌مريكى، ده‌رئه‌نجامه‌يليگ ئاشكرا كرد و له‌تى شماره‌ى حاڵه‌ته‌يل مردن وه ڤايرۆس كۆرۆنا ده‌رخست له ماوه‌ى 24 سه‌عات گوزه‌يشت ك يه‌يش جى گه‌شبينيه.
زانكۆگه له‌ڕێ ماڵپه‌ڕه ئه‌لكترۆنيه‌گه‌ى جه‌خت له تۆماركردن 1509 حاڵه‌ت مردن كرد وه ڤيرۆس كۆرۆنا له وڵاته‌يل يه‌كگرتگ له ماوه‌ى 24 سه‌عات گوزه‌يشت.
حاڵه‌ته‌يل مردن وه به‌راورد وه‌ل رووژيگ زويتر جياوازى وه 5 حاڵه‌ت ديرێد، ك رووژ يه‌كشه‌ممه 1514 حاڵه‌ت مردن تۆمار كريا، ك يه‌يش ئاماژه‌يگ خاسه له‌باره‌ى داوه‌زين شماره‌يل مردن، له‌وه‌ختيگ ك رووژ جومعه‌يش شماره‌ى حاڵه‌ته‌يل مردن 2108 حاڵه‌ت بوێ جوور ئه‌وه‌گ زانكۆگه ئاشكراى كرد
