له‌باره‌ى په‌لاماره‌يل ئيران له‌ناو بريتانيا وشدارى دريه‌ێد
شه‌فه‌ق نيوز/ رووژنامه‌ى ده‌يلى ته‌لگراف له‌ناونى گشت رووژنامه‌يل بريتانى راپۆرتيگ له لاپه‌ڕه‌ى يه‌كه‌مى بڵاو كرد و له‌تى ئويشێد قه‌يران وه‌ل ئيران بويه‌سه هووكار له‌خه‌واهاتن شانه‌ى خه‌فتگ تيرۆريستى و ده‌ڵه‌كيان ئه‌نه‌ێد ئه‌را ئه‌نجام په‌لاماره‌يل تيرۆريستى له‌بان بريتانيا.
راپۆرته‌گه له زووان سه‌رچه‌وه‌يليگ هه‌واڵگيرييه‌و وت: شانه‌يل تيرۆريستى ك ئيران پشتگيرييان ئه‌كا راسپاريانه ئه‌را ئه‌نجامداين په‌لامار له‌ناو بريتانيا له حاڵه‌تيگ ئه‌گه‌ر قه‌يران ناونى له‌ندن و ته‌هران زيايكرد له ئه‌نجام ده‌سوه‌سه‌رگرتن كه‌شتيه نه‌فتهه‌ڵگره‌گه‌ى بريتانيا له‌لايه‌ن ئيرانه‌و له ته‌نگ هورمز.
راپۆرته‌گه هه‌ميش وت: ئاژانسه‌يل هه‌واڵگيرى باوه‌ڕيان ئه‌وه‌سه ئيران شانه‌يل خه‌فتگ تيرۆريستى له‌ڕێ ئۆرپاوه دامه‌زرانگه و له‌وانه‌يش بريتانيا و فه‌رمان وه‌پيان ئه‌ياد ئه‌را په‌لامارداين وه‌خاتر جواودانه‌وه‌ى قه‌يران له كه‌نداو.
