پنتاگۆن: داعش سوودمه‌ن بوێ له‌"گام توركيا"و موفاجئه‌يگ ئاماده‌ ئه‌كا

پنتاگۆن: داعش سوودمه‌ن بوێ له‌"گام توركيا"و موفاجئه‌يگ ئاماده‌ ئه‌كا
2019-11-20T09:16:47+00:00

شه‌فه‌ق نيوز/ له‌ راپۆرتيگ ك له‌لايه‌ن پنتاگۆنه‌و ده‌رچيه‌، ئه‌وه‌ ده‌رخست ك ريكخرياگ داعش ئه‌و خوه‌يكيشانه‌وه‌ى ئه‌مريكا له‌ باكوور خوه‌رهه‌ڵات سوريا و وجوود سه‌ربازى توركيه‌ ئستغلال كردگه‌و دوير نيه‌ تواناى ئاماده‌كارى بكا ئه‌را ئه‌نجامداين په‌لاماره‌يل تازه‌يگ دژ خوه‌رئاوا.

 

له‌ى باوه‌ته‌و، نويسينگه‌ى وشكاننكار گشتى له‌ وه‌زاره‌ت وه‌رگرى ئه‌مريكى له‌و راپۆرته‌گه‌ وتگه‌: ريكخرياگ داعش سوودمه‌ن بويه‌ له‌ گام ئه‌مريكاو وجوود توركى ئه‌را بنياتنانه‌وه‌ى توانايه‌يلى و داهاته‌يلى له‌ناو سوريا و پته‌وكردن تواناى له‌بان داناين پلان له‌وه‌ر ئه‌نجامداين په‌لاماره‌يلى له‌ ده‌يشت.

 

جى باسه‌، له‌ شه‌ش ئوكتۆبه‌ر دۆناڵد تره‌مپ سه‌رۆك ئه‌مريكا ئاشكراى خوه‌يكيشانه‌وه‌ى نزيكه‌ى هه‌زار سه‌رباز ئه‌مريكى كرد له‌ باكوور خوه‌رهه‌ڵات سوريا.

Shafaq Live
Shafaq Live