ئاژانسيگ: سلێمانى و سه‌در و كوڕه‌گه‌ێ سيستانى ريككه‌فتن له‌بان هيشتنه‌وه‌ى عه‌بدولمه‌هدى
شه‌فه‌ق نيوز/ ئاژانس "فرانس پرێس" ئاشكراى ئه‌وه كرد هيزه‌يل عراقى ده‌سكردنه‌سه چويچانن ئه‌و خوه‌ينيشانده‌ره‌يله ك داواى رمانن حكومه‌ت ئه‌كه‌ن، ئه‌ويش دوياى ره‌سين ئه‌را ريككه‌فتنيگ ك ئامانج له‌لى هيشتنه‌وه‌ى ده‌سڵات ئيسه‌س له حوكم و ئه‌گه‌ريش هه‌وه‌جه بكا هيز باريه‌ێده كار ئه‌را كووتاييهاوردن وه خوه‌ينيشانداينه‌يل.
له‌ى باوه‌تيشه‌و سه‌رچه‌وه‌يليگ سياسى ئه‌را ئاژانسه‌گه باس له‌وه كردنه ريككه‌فتن ناونى لايه‌نه‌يل په‌يوه‌نديدار، له‌وانه‌يش سائرون و حكمه دوياى ديدار ناونى قاسم سلێمانى و موقته‌دا سه‌در و محه‌مه‌د ره‌زا سياستانى(كوڕ سه‌يد عه‌لى سيستانى)هاتگه ك ريككه‌فتنه له‌بان ئه‌وه‌گ عادل عه‌بدولمه‌هدى سه‌رۆك حكومه‌ت له پۆسته‌گه‌ێ بمينێده‌و.
جى باسه، ئه‌و سه‌رچه‌وه‌يله ئاماژه وه‌يه‌يش كردن و وتن: ته‌نيا لايه‌نيگ ك ئه‌و ريككه‌فتنه ره‌ته‌و كردگه, هاوپه‌يمانى "نه‌سر" بويه وه سه‌رۆكايه‌تى حه‌يده‌ر عه‌بادى سه‌رۆك وه‌زيره‌يل وه‌رين ك باوه‌ڕى ئه‌وه‌سه ته‌نيا چاره‌سه‌ريگ ئه‌را قه‌يرانه‌گه نه‌مه‌ندن عه‌بدولمه‌هديه.
