ئاگر له خورماتوو كه‌فته‌وه‌و وه‌رگرى شارستانى نه‌تويه‌نست بكوشنێده‌وه‌ێ
2019-06-08T10:41:34+00:00
شه‌فه‌ق نيوز/ سه‌رچه‌وه‌يگ ئاگادار، ئاشكراى كه‌فتنه‌وه‌ى ئاگره‌يل گه‌ورايگ كرد له كێڵگه‌يل كشتوكاڵى له ئيواره‌ى دويه‌كه‌وه له قه‌زاى خورماتوو سه‌ر وه پاريزگاى سه‌ڵاحه‌دين، وه‌بى كوشاننه‌وه‌ى تائيسه.
له‌و باوه‌ته‌و، سه‌رچه‌وه‌گه ئه‌را شه‌فه‌ق نيوز وت: دويه‌كه ئيواره ئاگر وه‌ربويه له كێڵگه‌يل كشتوكاڵى له خاكه‌يل كشتوكاڵى جفتياره‌يل كورد له ناوچه‌ى دوديه له ناحيه‌ى نه‌وجول له خوه‌رهه‌ڵات قه‌زاى خورماتوو.
سه‌رچه‌وه‌گه يه‌يش ده‌رخست ك تائيسه ئه‌و ئاگره كۆنترۆڵ نه‌كرياگه هه‌رچه‌نى تيمه‌يل وه‌رگرى شارستانى ره‌سينه‌سه شوونه‌گه‌و ئاماژه‌يش وه كه‌فتنه‌وه‌ى زه‌ره‌ده‌يل گه‌ورايگ كرد له به‌رهه‌مه‌يل گه‌نم.
