"ئه‌بو هارون" له باشوور به‌غدا ده‌سگير كريا
2019-11-03T15:02:18+00:00
شه‌فه‌ق نيوز/ شانه‌ى ره‌سانن ئه‌منى، ئاشكراى ده‌سگيركردن تيرۆريستيگ كرد دوايى داناين كه‌مينيگ ئه‌راى له باشوور به‌غداى پايته‌خت.
شانه‌ى ره‌سانن ئه‌منى له به‌ياننمه‌يگ ئه‌را شه‌فه‌ق نيوز وت: وه‌گووره‌ى زانياريه‌يليگ پڕ دقه‌ت هه‌واڵگيرى، هيزيگ له سه‌ركردايه‌تى فه‌رمانده‌يى تايبه‌ت يه‌ك ك يه‌كيگه له دامه‌زرياگه‌يل ده‌زگاى دژه تيرۆر تويه‌نستگه تيرۆريستيگ ناسرياگ وه " ئه‌بو هارون " ده‌سگير بكه‌ن دوياى داناين كه‌مينيگ ئه‌راى له باشوور پايته‌خت.
به‌ياننامه‌گه هه‌ميش وت: دوياى په‌يجوورى وه‌لياو وه‌گووره‌ى قسه‌يلى بڕيگ چه‌ك و ته‌قه‌مه‌ن و مه‌خزه‌ن و كه‌ره‌سته‌يل تر و ئامێره‌يل په‌يوه‌ندى دوينرياسه‌و ك ئاماده كرياوێد ئه‌را ئه‌وه‌گ كردوه‌يل تيرۆريستى وه‌پيان ئه‌نجام بدريه‌يد وه ريككه‌فتن وه‌ل خوه‌ينيشانداينه‌يل عراق.
