ئه‌من تومه‌تباريگ وه تومه‌ت سزانن ژنيگ وه تيزاب ده‌سگير كرد
شه‌فه‌ق نيوز/ ده‌زگاى دژه تاوانه‌يل به‌غدا، ئاشكراى ده‌سگيركردن تومه‌تباريگ كرد ك ژنيگ له خوه‌رئاواى به‌غداى پايته‌خت وه ماده‌ى تيزاب سزانگه.
دژه تاوانه‌يل به‌غدا له به‌ياننامه‌يگ ئه‌را ئاژانس شه‌فه‌ق نيوز وت: دوياى بانگه‌وازه‌يليگ له‌ڕێ ماڵپه‌ڕه‌يل په‌يوه‌ندى كۆمه‌ڵايه‌تييه‌و ئه‌را وه‌زير ناوخوه‌يى له‌باره‌ى ئه‌وه‌گ تومه‌تباريگ چيه‌سه ماڵيگ له ناوچه‌ى غه‌زاليه له خوه‌رئاواى به‌غداى پايته‌خت و ژنيگ وه ماده‌ى تيزاب سزانگه‌و هه‌يوايه ئه‌را شوونيگ ناديار، تيميگ تايبه‌ت وه سه‌رپه‌رشتى دژه تاوانه‌يل به‌غدا تويه‌نستنه ئه‌و تومه‌تباره ده‌سگير بكه‌ن.
به‌ياننامه‌گه يه‌يش ده‌رخست ئه‌و كردوه دوياى چه‌وديرييگ وه‌رده‌وام و گرده‌وكردن زانيارى بويه ك له‌تى تيمه‌گه له ماوه‌ى سێ سه‌عات تويه‌نستنه بڕه‌سنه ئه‌و شوونه‌گ تومه‌تباره‌گه له‌تى بويه‌و ده‌سگيرى بكه‌ن.
