ئه‌نجومه‌ن وه‌زيره‌يل له‌باره‌ى تاقيكردنه‌يل شه‌ش سه‌ره‌تايى بڕياريگ ده‌ركرد
2020-06-02T21:06:10+00:00
شه‌فه‌ق نيوز/ ئه‌نجومه‌ن وه‌زيره‌يل بڕيار دا، پشت وه نمره‌يل نيمه‌ى ساڵ بووه‌سيه‌ێد ئه‌را سه‌ركه‌فتن له تاقيكردنه‌وه‌ى گشتى قۆناغ شه‌ش سه‌ره‌تايى ساڵ خوه‌نين(2019 - 2020).
له‌ى باوه‌ته‌و، نويسينگه‌ى ره‌سانن ئه‌نجمومه‌ن وه‌زيره‌يل له به‌ياننامه‌يگ ئه‌را ئاژانس شه‌فه‌ق نيوز وت: ئه‌نجومه‌نه‌گه دانيشتن ئاسايى چواره‌مى وه سه‌رۆكايه‌تى مسته‌فا كازمى ئه‌نجام داگه‌و له‌تى بڕيار درياگه پشت وه نمره‌يل نيمه‌ى ساڵ ئه‌را تاقيكردنه‌وه‌ى كۆتايى قۆناغ شه‌ش سه‌ره‌تايى 2019 - 2020 بووه‌سيه‌ێد.
به‌ياننامه‌گه باس له‌وه‌يش كرد له‌و دانيشتنه بڕياريش درياگه رێ وه‌و خوه‌ندكاره‌يله بدريه‌ێد ك سه‌رنه‌كه‌فتنه له خول دووه‌م دوباره تاقيكردنه‌وه بكه‌ن له‌گشت مادده‌يليگ ك له‌تى سه‌رنه‌كه‌فتنه.
