ئيران: پشتگيرى له خواسته‌يل ملله‌ت عراقى ئه‌كه‌يم
شه‌فه‌ق نيوز/ عه‌باس موسه‌وى قسه‌كه‌ر وه‌ناو خارجيه‌ى ئيرانى داخدارى خوه‌ى ده‌رخست ئه‌را ئه‌و رويداگه‌يله ك له‌ى دوياخره له عراق كه‌فته‌سه‌وه‌و بويه‌سه هووكار كوشيان و زه‌خمداربوين شماره‌يگ هاووڵاتى و ويرانكردن ماڵ و موڵك گشتى، جه‌ختيش له‌وه كرد ئيران وه دقه‌ته‌و چه‌وديرى ئه‌و رويداگه‌يله ئه‌كا.
موسه‌وى وت: كۆمار ئسلامى ئيران پشتگيرى له خواست و داواكاريه‌يل ملله‌ت عراقى ئه‌كاو يه‌يش وه‌ئاشكرا له به‌ياننامه‌و لێدوانه‌يل مه‌رجه‌عيه‌ى ئايينى و عادل عه‌بدولمه‌هدى سه‌رۆك وه‌زيره‌يل هاتگه.
جى باسه، موسه‌وى هه‌ميش وت: جى داخه ئه‌را رويداگه‌يل ئى دوياخره له عراق ك بويه‌سه هووكار كوشيان و زه‌خمداربوين ده‌يان كه‌س له هاووڵاتيه‌يل و ويرانكردن ماڵ و موڵك گشتى و باس له‌وه‌يش كرد ئيران هه‌ميشه پشتگير حكومه‌ت و ملله‌ت عراقى بويه وه‌تايبه‌ت له بارودوخه‌يل سه‌خت.
