کازمی پابەندی کەسایەتی و رەوشتی خوەیه وەرانوەر خۆپیشاندەرەیل
شەفەق نیوز/ قسەکەر وەناو موستەفا کازمی سەرۆک وەزیران، ئمڕوو سێشەممە، راگەیان لە پابەندی کەسایەتی و رەوشتی خوەی وەرانوەر خۆپیشاندەرەیل، و خەرج کردن جەژنانەی هەژارەیل، و هەمیش ئاماژەدا وە هەسی دوو مووچەیی لەلای خانەنشین و فەرمانبەرەیل.
ئەحمەد مەلا تەڵال لە کۆنگرە هەفتانەگە وت: کازمی پابەندی کەسایەتی و رەوشتی خوەی دووپاتکرد لە مقەیەتی خۆپیشاندەرەیل، و ئاماژەدا؛ خوەی هان وەزیرەگان داگە لە داوەزینیان ئەرا جادە و گووشگردن لە داواکاریەیل خۆپیشاندەرەگان.
مەلا تەڵال وتیش: کازمی فەرماندا لە وەکارنەهاوردن گولە وەرانوەر ناڕازیه‌گان، ودیاری کرد؛ لەبان گشت هێزە ئەمنیەگان دووپاتکرد وە مقەیەتی ناڕەزایە ئاشتەوایەگان و دەسمیەت داینیان.
مەلا تەڵال ئاماژەدا؛ ک وەزیر کاروبار دووپاتگردگە وە ٦٨١٤ خانەنشین و فەرمانبەر مووچەی چەودیری کۆمەڵایەتی وەرگرن، وتیش؛ ٩٧٨ خانەنشین و فەرمانبەر هەس مووچەی کەمئەندامی وەرگرن.
مەلا تەڵال دیاری کرد ک ئەنجومەن وەزیران رازیبوی لە خەرجکردن جەژنانەیگ بایی ٧٥ هەزار دینار ئەرا چین هەژارەیل لەوانەگ هانە سای چەودیری کۆمەڵایەتی وەبۆنه‌ی نزیکەوبوین جەژن قوربان.
مەلا تەڵال وتیش: ئەنجومەن وەزیران بڕیاردا لە به‌خشین قەرزەگان لەبان سودمەنەیل لە بیمەی مقەیەتیە کۆمەڵایەتیەگە ک بڕیان ١٧٥٥٢ خیزانە.
