تەندروسی عراق دیاری چینەگان کەێد ک زیاتر کەفنە وەر تووشهاتن و مردن وە ڤایڕۆس کۆڕۆنا
شەفەق نیوز/ وەزارەت تەندروسی عراق، ئمڕوو چوارشەممە، ئاشکرای چینە تەمنیەگان کرد ک زیاتر کەفنە وەر تووشهاتن وە ڤایڕۆس کۆرۆنا لە وڵاتەگە، ک هەمیش لە وەر پەتاگە کەفنە وەر مردن زیاتر لە چینەیلیگ تر.
سەیف بەدر قسەکەر وەناو وەزارەتەگە لە وتاریگ تایبەت ئەرا ئاژانس شەفەق نیوز وت: زۆرینەی تووشهاتنەگان ڤایڕۆس کۆرۆنا لە عراق خوەی ئاسان تا ناوڕاسە.
بەدر وتیش؛ عراق فرەترین تووشهاتنەگان لە ماوەی مانگەیل یەکەمەگان لە بڵاوبوین ڤایرۆسەگە لە وڵاتەگە لەلای تەمەن گەوراگان تۆمارکردن.
هەمیش وت: وەلی دویای چەن مانگیگ، دەسکردیمنە تۆمارکردن تووشهانەگان لە رز گەنجەگان و تەمەنە ناوڕاسینەگان.
لە باوەت تووشهاتنەگان لە ئی مەوقە، بەدر وت: هیمان زیاترین جینەگان ک هانە وەر تووشهاتن خوەی ناوڕاسەگان و گەوراگانە، وەتایبەت ئەو چینەیلە ک زیان لە گرفتەیل تەندروسی لە دڵ و هەناسە و گورچگ وەخوەیان دوینن، ک زیاتر هانە وەر تووشهاتن.
هەمیش وت: ئەگەر ئەو چینەیلە ک زیان لە بیماری دوینن تووشهاتن، ئەگەر مردنیان وەڤایڕۆسەگە لەواکان زیاترە.
