ته‌ندروستى عراق ئاشكراكردنيگ دا له‌باره‌ى حاڵ ئه‌و عراقيه‌يله له چين هاتنه‌سه‌و
2020-02-05T19:51:08+00:00
شه‌فه‌ق نيوز/ سه‌يف به‌در قسه‌كه‌ر فه‌رمى وه‌ناو وه‌زاره‌ت ته‌ندروستى و ژينگه, ئاشكراى كرد و وت: ئه‌و عراقيه‌يله ك له چين هاتنه‌سه‌و ره‌سينه‌سه ته‌ياره‌خانه‌ى ناوده‌وڵه‌تى به‌غدا.
به‌در له به‌ياننامه‌يگ ئه‌را شه‌فه‌ق نيوز، وت: هويچ كه‌سيگ له‌و عراقيه‌يل په‌نابه‌ره ك له‌چين هاتنه‌سه‌و تويش ڤايرۆس كۆرۆنا نه‌وينه وه‌گووره‌ى وشكانن پزيشكى.
جى باسه، به‌در هه‌ميش وت: تيميگ پزيشكى له پيشوازيكردن ئه‌و عراقيه‌يله په‌نابه‌ره بوينه‌و جيواز كريانه ئه‌را ده‌زگاى تايبه‌ت ته‌ندروستى له‌وه‌ر ئه‌وه‌گ تا 14 رووژ جياوه بكريه‌ن ك يه‌يش ماوه‌ى حه‌زانه‌ت نه‌خوه‌شيه تاوه‌ختيگ ته‌ئكيد له‌وه ئه‌كريه‌ێد ك تويش ئه‌و ڤايرۆسه ناتنه.
