حكومه‌ت عراقى ئاشكراى هووكاره‌يل دوياكه‌فتن مووچه‌ى كارمه‌نده‌يل تازه كرد
2020-04-29T12:12:20+00:00
شه‌فه‌ق نيوز/ ئه‌ميندارێتى گشتى ئه‌نجومه‌ن وه‌زيره‌يل عراق، هووكار دوياكه‌فتن مووچه‌ى كارمه‌نده‌يل تازه‌ى گريه‌به‌س و مه‌لاك له بڕيگ له وه‌زاره‌ته‌يل برده‌و ئه‌را نه‌وين ته‌رخانكردن دارايى ئه‌را ئه‌و پله‌يل وه‌زيفيه.
له‌ى باوه‌ته‌و، حه‌يده‌ر مه‌جيد قسه‌كه‌ر فه‌رمى وه‌ناو ئه‌ميندارێتيه‌گه ئه‌را شه‌فه‌ق نيوز وت: وه‌زاره‌ت ده‌وڵه‌ت له‌ساڵ 2019 جيوه‌جى بريار 315 كردنه تايبه‌ت وه ئه‌نجومه‌ن وه‌زيره‌يل وه ئالشتكردن كارمه‌نده‌يل كرايه‌ى رووژانه ئه‌را گريه‌به‌س و وه‌پيداين ئمتيازات هوشيوه‌ى ئمتيازات كارمه‌نده‌يل مه‌لاك.
باس له‌وه‌يش كرد ئه‌و دامه‌زراننه ك له كووتايى 2019 ئه‌نجام دريانه نه‌چينه‌سه ته‌مويل بودجه‌ى گشتى، هه‌ر وه‌و خاريشه ته‌رخاانكردن دارايى ئه‌را ئه‌و دامه‌زرياگه‌يله دويا خريا ئه‌را بودجه‌ى ساڵ 2020.
