حكومه‌ت عراقى پلان تازه ئه‌را وه‌به‌رهاوردن غاز دانه‌ێد
شه‌فه‌ق نيوز/ وه‌زاره‌ت نه‌فت عراقى، ئاشكراى ئاماده‌كردن پلان و پرووژه‌يل وه‌به‌رهاوردن غاز كرد و وه‌زير نه‌فت وه وه‌كاله‌تيش جه‌خت له مكوڕبوين حكومه‌ت كرد له‌بان چاره‌سه‌ر قه‌يران دارايى و ئابوورى.
وه‌زاره‌ت نه‌فت له به‌ياننامه‌يگ ئه‌را ئاژانس شه‌فه‌ق نيوز، وت: عه‌لى عه‌بدولئه‌مير عه‌لاوى وه‌زير نه‌فت وه وه‌كاله‌ت سه‌رۆكايه‌تى دانيشن مانگانه كردگه ئه‌را نرخناين نه‌فت عراقى له باره‌گاى كۆمپانياى بازاڕكردن نه‌فت عراقى"سۆمۆ" وه ئاماده‌بوين حامد يونس بريكار وه‌زاره‌ته‌گه ئه‌را كاروبار پاڵين و كه‌ريم حه‌تاب بريكار وه‌زاره‌ته‌گه ئه‌را كاروبار دابه‌شكردن.
عه‌لاوى وت: حكومه‌ت كار له‌بان دوينستنه‌وه‌ى چاره‌سه‌ر كرده‌وه‌يى و واقعى ئه‌را قه‌يران دارايى ئه‌كا ك هاته‌سه تويش عراق و يه‌يش هه‌وه‌جه وه هه‌وڵه‌يل گه‌وراو هاوكارى گشت لايه‌نه‌يليگ ديرێد.
