خوه‌ينيشانداينيگ له كه‌ركوك ئه‌نجام دريا و له‌تى داواى دامه‌زرانن كريا
2020-05-11T12:49:13+00:00
شه‌فه‌ق نيوز/ شماره‌يگ له ده‌رچگه‌يل له كۆليژه‌يل ئه‌ندازيارى له پاريزگاى كه‌ركوك، له خوه‌ينيشانداينيگ داواى دامه‌زرانن ئه‌كه‌ن له يه‌كيگ له ده‌زگايه‌يل ده‌وڵه‌ت.
له‌ى باوه‌ته‌و، په‌يامنێر شه‌فه‌ق نيوز وت: زياتر له 150 كه‌س له ده‌رچگه‌يل كۆليژ ئه‌ندازيارى له كه‌ركوك خوه‌ينشانداينيگ له‌وه‌رده‌م پاڵه‌خانه‌ى پاريزگا ريكخستنه‌و داواى مافه‌يليان ئه‌كه‌ن ئه‌را دامه‌زراننيان له يه‌كيگ له ده‌زگايه‌يل ده‌وڵه‌ت.
په‌يامنێر شه‌فه‌ق نيوز هه‌ميش وت: به‌شيگ له‌و ده‌رچگه‌يل وه‌رجه 8 ساڵ خوه‌نين ته‌واو كردنه‌و تايسه ده‌رفه‌ت دامه‌زرانن ئه‌رايان په‌يا نه‌ويه.
