ئەرا هەفتەی سێیەم...دەرچگن ئەرا خوەنیشاندان نوویگ مامووسایەیل لە سلێمانی

دڵشاد میرانی نوێنەر مامووسایەیل  ناڕازی وە ئاژانس شەفەق نیوز وت؛ "ئمڕوو هەفتەی سێیەم خوەنیشاندانەیلە ئەرا داواکاری مافەیلمان لە مووچە و پلە بەرزەوکردن و جیگیرکردن خوەیبەخشەیل".

وتیش" دەرچگنمان وەی خوەنیشاندانەیلە دووپاتکەێد سووڕبوینمان لەبان داواکاریەیلمان و پاشگەز نیەویمن و وەردەوامین لە مانگردن تا جواو داواکاریەیلمان درێد".

میرانی دووپاتکرد "شمارەیگ فرە لە فەرمانبەرەیل حکومی و خوەنەوار و کەسوکارەیلیان ئمڕوو بەشداری کردن لەی خوەنیشاندان داواکاریەیلە و گشتیان گەردن وەشوین داوای مافەیلیان کە خەرجکردن مووچەیل دویاکەفیان کەن وەیەکجارەو و جیگیرکردن مامووسایەل خوەیبەخش و خەرجکردن بەرزەوکردن و پلەبەرزەوکردن".