رافده‌ين له‌باره‌ى قه‌رز په‌نجا مليۆنيه‌گه ئاشكراكردنيگ دا
2019-06-08T10:45:56+00:00
شه‌فه‌ق نيوز/ بانك رافده‌ين ماوه‌ى وه‌پيداين قه‌رز 50 مليۆن دينار ئه‌را ته‌مويلكردن خاوه‌ن تاقيگايه‌يل و شوونه‌يل ده‌رمان پزيشكى ئه‌را په‌نج ساڵ ديارى كرد وه ماوه‌ى وه‌پيداين 3 مانك له ئه‌وه‌ڵه‌و.
له‌ى باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ ئه‌را شه‌فه‌ق نيوز وت: داين قه‌رز 50 مليۆن دينار وه خاوه‌ن تاقيگايه‌يل وه زه‌مانه‌ت وه‌گره‌وناين قه‌واڵه‌يگ تاپوو ئه‌دێ له‌لايه‌ن قه‌رزكه‌ره‌و له پله يه‌ك له به‌رژه‌وه‌ندى بانكه‌گه جوور زه‌مانيگ ئه‌را ئه‌و قه‌رزه.
به‌ياننامه‌گه هه‌ميش وت: بانكه‌گه بڕياريش داگه بڕ 25 مليۆن دينار بيه‌ێده خاوه‌ن تاقيگايه‌يل و شوون ده‌رمانه‌يل پزيشكى وه‌و مه‌رجه كه‌فيليگ بارێد ك كارمه‌ند مه‌ده‌نى بوود له ده‌زگايه‌يل ده‌وڵه‌ت له‌وانه‌گ مووچه‌يليان له‌لاى بانك جيگير كرياگه.
