ساڵح خوه‌يكيشانه‌وه‌ى ئه‌مريكا له ناوچه‌گه وه دوير نازانێد
شه‌فه‌ق نيوز/ به‌رهه‌م ساڵح سه‌رۆك كۆمار عراق، نگه‌رانى خوه‌ى ده‌رخست له به‌رپابوين جه‌نگ له‌ناونى وڵاته‌يل يه‌كگرتگ و ئيران، وشدارييش دا له‌وه‌گ ئى جه‌نگه كاره‌سات ئه‌را گشتلايگ له‌لێ بكه‌فێده‌و.
ساڵح له ديمانه‌يگ وه‌ل "ئه‌كسيوس" ك له‌لايه‌ن تووڕ "HBO" بڵاو كريا, وت: وڵاته‌يل يه‌كگرتگ هاوپه‌يمانيگ گرنگ و هاوبه‌شه‌و ئه‌خوازيم ئى مه‌سه‌له وه‌رده‌وام بدێ، وه‌لێ له هه‌مان وه‌خت ناخوازيم خاكه‌يلمان بارێده كار، چوينكه عراق په‌يوه‌نديه‌يلى وه‌ل ئه‌مريكا به‌رز نرخنێد ئه‌را ماوه‌ى 16 ساڵه، وه‌لێ سياسه‌ته‌يل دۆناڵد تره‌مپ سه‌رۆك مه‌سه‌له‌گه سه‌خته‌و كردگه.
جى باسه، ساڵح باس له‌وه‌يش كرد و وه‌دوير نه‌زانسته‌ێ وڵاته‌يل يه‌كگرتگ له ناوچه‌گه خوه‌ى بكيشێده‌و ئه‌را بنياتناين په‌يوه‌نديه‌يليگ وه‌شيوازيگ جياواز وه‌ل هه‌ر يه‌ك له روسيا و ئيران، ك يه‌يش كار ئيمه نيه بچيم وه‌ره‌و ئه‌مريكيه‌يل يا رووسه‌يل و بويشن ئه‌گه‌ر كار له‌وه‌ر خاترم ناكه‌ێد وه ريگه‌يگ تر ئه‌گرمه وه‌ر، به‌ڵكوو ئيمه هه‌وه‌جه وه هويره‌وكردن ديريم له ئه‌وله‌وياتمان.
