سوپای عراق دە مەرز خاكی و چوار دەریایی پارێزێ
شەفەق نیوز/ فەرماندەی ئۆپراسیۆنە هاوبەشەگان لە سوپای عراق، ئمڕوو شەممە، باس له تەرخانکردن هێزەیلیگ ئەمنی لەبان دە مەرز وشكانی و چوار دەریایی كرد، ودووپاتکرد؛ گشت ئەو مەرزەیلە کەفتنە ژیر پارێزکردن ئەو هێزەیلە.
فەرماندەگە لە بەیاننامەیگ رەسیە ئاژانس شەفەق نیوز وت: دەسکریا تەرخانکردن هێزەیلیگ ئەرا گشت مەرزەگان و بڕ هێزەگە وەگورەی هەر مەرزیگە، ودیاری کرد ک ئەویش لەبان فەرمان سەرۆک ئەنجومەن وەزیران فەرماندەی گشتی هێزە چەکدارەگان ئەرا گردن گشت مەرزە سنوریەگان و چه‌سپانن یاسا لەناویان و دژایەتی پێشیلکردن و سیمایه‌یل گەندەڵی و گومکردن دارایی گشتی.
ودیاریکرد؛ وەرپرسایەتی پارێزکردن گشت مەرزەگان دریا كه‌فته مل سوپای عراق.
فەرماندەگە ئاماژەکرد ک مەرزە دەریاییەگان: ( ئوم قەسر باکووری، ئوم قەسر باشووری، ئوم قەسر ناوڕاسین، خۆر زوبەیر)، ومەرزە خاكیه‌گان: ( شەلامچە، بەدرە، مەنزەریە، سەفوان، قائیم، تڕێبیل، شیب، زڕباتیە، ئەبو فلوس، عەرعەر).
وتیش: وەیەوە دە مەرز خاكی و چوار دەریایی کەفتە پارێزکردن تەواوەتی ئەرا مەرز و گومرگیل، و ئی هێزەیلە خاوەن گشت دەسەڵاتە یاساییەگانن ئەرا سزاداین هەر پێشێلکارییگ و لەهەر لایەنیگ بوود.
