شانه‌يگ تيرۆريستى له كه‌ركوك پويچه‌ڵ كريا
2019-10-16T09:31:01+00:00
شه‌فه‌ق نيوز/ سه‌رچه‌وه‌يگ له پۆليس عراقى ئاشكراى پويچه‌ڵكردن شانه‌يگ سه‌ر وه ريكخرياگ تيرۆريستى داعش كرد له پاريزگاى كه‌ركوك كيشه له‌سه‌ر له‌ناونى هه‌ولێر و به‌غدا.
ئه‌و سه‌رچه‌وه ئه‌را شه‌فه‌ق نيوز وت: وه‌گوورى ده‌سكه‌فتن زانياريه‌يل پڕ دقه‌تيگ هه‌واڵگيرى، پياوه‌يل هه‌واڵگيرى ليواى 3 له تيم جواودانه‌وه‌ى گورج وه هه‌ماهه‌نگى وه‌ل ده‌زگاى ئاسايش نيشتمانى تويه‌نستنه شانه‌يگ تيرۆرستى له چوار كه‌س پويچه‌ڵ بكه‌ن سه‌ر وه پاشمه‌نده‌يل ريكخرياگ داعس له‌ناو شار كه‌ركوك.
جى باسه، سه‌رچه‌وه‌گه هه‌ميش وت: ئه‌و شانه‌ى تيرۆريستيه ياداشت ده‌سگيركردن ده‌رچيه وه‌گووره‌ى مادده‌ى چوار له ياساى دژه تيرۆر له پاريزگاى كه‌ركوك.
