کەشناسیگ دیاری وەخت تەواوبوین گەرمی لە عراق و مەزەنەی یەکەمین دەرفەت واران کەێد
2023-09-24T07:10:04+00:00
شەفەق نیوز/ کەشناس عەلی جابر زیادی، ئمڕوو یەکشەممە، کۆتایی وەرز کەشوهەوای گەرم لەناوچە و شارەیل عراق چگنە ناو وەرز پاییز راگەیان، مەزەنەکەێد یەکەمین دەرفەت واران وارین لە مانگ تەشرین یەکەم ئایندە بوود.
جابر زیادی لە گفتوگویگ وە ئاژانس شەفەق نیوز وت، مەزەنەیلە دیاری وە کۆتایی هاتن وە وەرز گەرمی کەن شارەیل وڵاتەگە چنە ناو کەشوهەوای مامناوەندیگ و داوەزین پلەی گەرمی ئەرا سنوور 30 پلەی سەدی لەسەرەتای مانگ ئایندە.
وتیش لە شارەیل ناوڕاس پلەی گەرمی 34 پلە توومارکریەێد کۆتایی سیەگان لە ناوچەیل باشوو و کەم باکوور و خوەرئاوای وڵاتەگە. دیاریکرد لە کەشوهەوایگ پاییزی زندگی کەیمن و پلەی گەرمی شکانەوەی گەپیگ وەخوەی دوینێد لە شەو کەشوهەوا سەردەو بوود.
جابر زیاد دیاریکرد، مەزەنەکریەد دەرفەتیگ کەم واران وارین چەن ناوچەیگ دیاریکریاگ گرێدەو لەناوچەیل باشوور لەسەرەتای مانگ تەشرین یەکەم.
کەشناسەگە کۆتایی وەپی هاورد وە وتن، مەزەنەیل دووپاتکەن وەرز واران وارین نواوەختەس لە عراق و ناوچگە.
