کەشوهەوای عراق تا جمعە.. خوەر و رووشنە و گەرمی بانوخوار کەێد
2023-09-04T07:32:28+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس بەرزەبوین نوویگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، پلەی گەرمی لە گشت ناوچەیل وڵاتەگە کەمیگ بەرزەو بوود.
وتیش: رووژ چوارشەمە، پلەی گەرمی لە گشت وڵاتەگە نزیک رووژ وەرجە خوەیە.
هەمیش وت: رووژ پەنجشەممە، خوەر و رووشنە، و پلەی گەرمی لە بەشەیل ناوڕاس و باکوور کەمیگ داوەزێد، و لە بەش باشوور نزیک رووژ وەرجە خوەیە.
بەیانامەگە وتیش؛ گەشوهەوای رووژ جمعەی ئایندە ئاسمان رووشنە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور وڵاتەگە کەمیگ نزمەو بوود.
