عراق 9 وه‌رپرس گه‌ورا وه‌ تومه‌ت گه‌نده‌ڵى هه‌واڵه‌ى دادگا ئه‌كا

عراق 9 وه‌رپرس گه‌ورا وه‌ تومه‌ت گه‌نده‌ڵى هه‌واڵه‌ى دادگا ئه‌كا
2019-10-11T10:22:16+00:00

شه‌فه‌ق نيوز/ ئه‌نجومه‌ن باڵاى دادوه‌رى ئه‌را نه‌هيشتن گه‌نده‌ڵى, شماره‌يگ مه‌سه‌له‌ى گه‌نده‌ڵى هه‌واڵه‌ى دادگا كرد ك په‌يوه‌سه‌ وه‌ 9 كه‌س له‌ گه‌ورا وه‌رپرسه‌يل.

 

له‌ى باوه‌ته‌و، نويسينگه‌ى عادل عه‌بدولمه‌هدى سه‌رۆك وه‌زيره‌يل له‌ به‌ياننامه‌يگ وت: ئه‌نجومه‌نه‌گه‌ ئه‌و دوسيه‌يل گه‌نده‌ڵيه‌ وه‌ فه‌رمان سه‌رۆك حكومه‌ت هه‌واڵه‌ى دادگا كردگه‌ دوياى پته‌وكردن به‌ڵگه‌يل و ته‌واوكردن رێ وشوونه‌يل ته‌واويگ وه‌ل دامه‌زرانن تيميگ چه‌وديريكردن له‌ ئه‌نجومه‌نگه‌.

 

جى باسه‌، ئه‌و مه‌سه‌له‌يل گه‌نده‌ڵييشه‌ په‌يوه‌سه‌ وه‌ دو وه‌زير و دو بريكار وه‌رين له‌ وه‌زاره‌ته‌يل(پيشه‌سازى و كانزايه‌يل، گواستنه‌وه‌, خوه‌نين باڵا, ته‌ندروسى) و كارمه‌نديگ وه‌رين وه‌ پله‌ى وه‌زير و چوار پاريزگار وه‌رين له‌ پاريزگايه‌يل(بابل, كه‌ركوك, نه‌ينه‌وا, سه‌ڵاحه‌دين).

Shafaq Live
Shafaq Live