عراق ئاشكراى ده‌سوه‌پيكردن پروسه‌يگ سه‌ربازێ كرد له‌ سێ پارێزگا

عراق ئاشكراى ده‌سوه‌پيكردن پروسه‌يگ سه‌ربازێ كرد له‌ سێ پارێزگا
2019-07-07T10:03:26+00:00

شه‌فه‌ق نيوز/ سه‌ركردايه‌تى فه‌رمانده‌يى هاوبه‌ش ئاشكراى ده‌سوه‌پيكردن پروسه‌يگ گه‌وراى سه‌ربازێ كرد له‌ پاريزگايه‌يل ئه‌نبار و نه‌ينه‌واو سه‌ڵاحه‌دين وه‌ره‌و ديم مه‌رزه‌يل سووريا.

 

له‌و باوه‌ته‌و، فه‌ريق روكن عه‌بدولئه‌مير ره‌شيد ياره‌ڵڵا سه‌ركرده‌ى فه‌رمانده‌يى هاوبه‌ش له‌ به‌ياننامه‌يگ وت: ئه‌و پروسه‌ى ده‌مه‌و شه‌وه‌كى ئمڕوو ده‌س وه‌پى كردگه‌ جوور قوناغ يه‌كه‌م له‌ پروسه‌ى(ئيراده‌ى نه‌سر)وه‌ كرده‌وه‌ى فراوانيگ ئه‌را پاكه‌وكردن ناوچه‌يل گه‌مارۆدرياێ ناونى ئه‌و هه‌رسێ پارێزگا وه‌ره‌و مه‌رزه‌يل ناوده‌وڵه‌تى عراقى - سوورى.

 

ياره‌ڵڵا هه‌ميش وت: ئه‌و پروسه‌ وه‌ به‌شدارى كه‌رته‌يل گه‌ورايگ له‌ سوپا و حه‌شد شه‌عبى و حه‌شد عه‌شايرى و وه‌پشتگيرى هيز ئاسمانى سوپاو هيزه‌يل ئاسمانى هاوپه‌يمان ناوده‌وڵه‌تى ده‌س وه‌پيكردگه‌و چه‌ن رووژيگ دريژه‌ ديرێد.

Shafaq Live
Shafaq Live