عراق یاد ٤٠ ساڵ لەبان تاوان جینۆساید بارزانییەیل کەێدەو: ئیمە لە قوربانیدانیان یای گریمن
لە بەیاننامەگە کە وەلایەن سەرۆکایەتی کۆمار رەسیە ئاژانس شەفەق نیوز وت: "ئی تاوانە قیزەون دەسەڵات دیکتاتۆری ئەنجام داگە، ئەو دڕندەییە نشان دەێد کە تایبەتمەنی رەفتار ستەمکاری بویە، کە پاپا لە ئەنجامدان قێزەونترین تاوان نەکردیە".
وتیش: تاوان وەئامانجگردن هاووڵاتیەیل بارزانی وەدویای خوەیەو زنجیرەیگ تاوان جینۆساید لەچوارچیوەی ئەوەگ وە ئۆپەراسیۆنەیل ئەنفال ناسریا هاورد، ئیجا تاوان هەڵەبجە وە چەک کیمیایی لەبان خەڵک مەدەنی، و گشت ئەو تاوانەیلیش وەئامانجکردن فرەی لە مەردم بویە، لەبان هەزاران پیاو، گەنج و پیر، و ژن و مناڵ وەبی هیچ ریگرییگ رەوشتی.
سەرۆکایەتی کۆماری کۆمار وتیش دا: زەحمەت نییە پەیوەندییگ لە ناوەین ئەو تاوانەیلە دروست بکریەێد کە دیکتاتۆرییەت وەرجەیە جیوەجی کرد و ئەو تاوانە تیرۆریستیەیلە کە هەزاران هاووڵاتی وە جینۆساید لەناو برد، جویر ئەوەگ وەدەس داعش رویدا وە داگیرکردن بڕیگ پارێزگا و شار و ئاوای عراق، ئەوان فۆڕم جیاوازی ڕەگەزپەرەسی و تایفەگەری و قەومی و ئایین.
دووپات کرد کە "چەسپانن دیموکراسی و پتەوکردن دەسەڵات یاسا و باوەڕ راسی وە قبوڵکردن فرەچەشنی و جیاوازییەیل، بنەمای بنەڕەتین ئەرا مسۆگەرکردن ئاسایش و ئارامی خەڵکەگە لە وڵاتیگ کە هاووڵاتیەیل هەس وە مافەیل خوەیان بکەن و وەرگری لە سیستمە دیموکراسییە دادپەروەرەگەی بکەن، و بەرزکردنەوەیان ئەرا رزەیل دیموکراسییە دامەزریای و کوینەیل لە جەهان هاوچەرخمان.
سەرۆکایەتی کۆمار لە کۆتایی وە یادکردن شەهیدە راسگووەیل، قوربانیەیل جینۆساید، وت: ئیمە یای لە قوربانیدانەیل و ئازارەیل بنەماڵەگانیان گریمن، و ئیرادەمان زیاتر بوود ئەرا رێزگرتن لە قوربانیەیل و پیرووزکردن پاڵەوانی و کارکردن ئەرا مقیەتیکردن ماف خیزانە رەنجدەرەیل.
