عراق بوودە خاوەن جیوازی لە چشت ئەڵاجەوییگ لەناو جهان
شەفەق نیوز/ دەسەی ئابووری و بەرهەمهاوردن لە پەرلەمان عراق، ئمڕوو چوارشەممە، ئاشکرای جیوازی عراق لە چشت ئەڵاجەوییگ لە ئاست جهان کرد.
نەدا شاکر جەودەت ئەندام دەسەگە ئەرا ئاژانس شەفەق نیوز وت: دەوڵەت عراق، خوەی تەنیا دەوڵەتیگە لەی جهانە ک مووچە دەێدە فەرمانبەرەیلیگ و ژمارەیان نێزاتێد.
و ئاماژە کرد ک حکومەت ژمارەی فەرمانبەرەیل دەوڵەتەکە نێزانێد، ک هیچ ئاماریگ فەرمی و ووردیگ نییە ک ئاشکرای ژمارەی ئی فەرمانبەرەیلە وەشیوەیگ راستەقینە ئاشکرا بکەێد.
جەودەت دیاریکرد ک هیشتن ئی باوەتە وەی نادیاریە خوەی هووکار گەندەڵیە، و وتیش؛ گەندەڵی گەورا ومەترسیدار لە باوەت مووچەی فەرمانبەرەیل هەس.
و ئاماژە کرد لە هەسی بندیوارەیلیگ و دوو مووچەیی تا رەسێدە فەرمانبەرە درووکانیەگان، ئەراوە دەوڵەت عراق ژمارەی فەرمانەیلی نێزانێد، تا ئاشکرای ئی گەندەڵیە نەکریەێد، ک لایەنەیلیگ وکەسایەتیەیلیگ دەسەڵاتدار هانە شوونی.
