عراق داوا له به‌ريتانيا ئه‌كا هه‌وڵ كه‌مكردنه‌وه‌ى گرژى له ناوچه‌گه بيه‌ێد
شه‌فه‌ق نيوز/ به‌رهه‌م ساڵح سه‌رۆك كۆمار عراق, دانيشتنيگ گفتگوو هاوبه‌ش له له‌نده‌ن وه‌ل تيريزا مه‌ى سه‌رۆك وه‌زيره‌يل به‌ريتانيا سازكرد.
سه‌رۆك كۆمار له‌و دانيشتنه جه‌خت له‌گرنگى پته‌وكردن په‌يوه‌نديه‌يل دولايه‌نه‌ى ناونى هه‌ردوگ وڵات و فراوانكردن ئاسوو هاوكارى له‌گشت بواره‌يل كرد وه‌و دووره‌گ خزمه‌ت وه هه‌ردوگ ملله‌ت بكاو ئاماژه وه‌وه‌يش كرد حك خواسته حكومه‌ت بريتانى رۆڵ كارايگ داشتوود له پته‌وكردن سه‌قامگيرى ناوچه‌گه‌و كه‌مه‌وكردن گرژى له‌تى.
له‌ى خوه‌ييشه‌و، ماى ده‌سخوه‌شى له سياسه‌ت عراق كرد ئه‌را ئارامه‌وكردن بارودوخه‌گه له هه‌ردوگ مه‌يدان عه‌ره‌بى و هه‌رێمايه‌تى و رۆڵ سه‌رۆك كۆمار له پته‌وكردن يه‌كگرتگى نيشتمانى و له هه‌مان وه‌خت پشتكيرى خوه‌يشى ئه‌را ملله‌ت عراق و حكومه‌ته‌گه‌ى نيشاندا له‌وه‌ر جيوه‌جيكردن سه‌قامگيرى و هه‌ڵسانه‌وه‌ى.
