عراق و ئيران ريككه‌فتن له‌بان لاورن "ڤيزا" و زياره‌ت مليۆنى
شه‌فه‌ق نيوز/ ياسين ياسرى وه‌زير ناوخوه‌يى و شانديگ ياوه‌رى وه سه‌ردانيگ فه‌رمى ره‌سيه ئيران ك ئمزاكردن ياداشتيگ له‌يه‌كڕه‌سينه‌وه ئه‌را سه‌رخستن زياره‌ت مليۆنى چله‌ى ئيمام حسێن سڵام خودا له‌لێ گرته خوه‌ى ك له‌پاريزگاى كه‌ربه‌لا ساز ئه‌كريه‌ێد.
دوياى ره‌سينى راسه‌وخۆ وه‌زير عراقى دانيشتنيگ هاوبه‌ش وه هاوتا ئيرانيه‌گه‌ى له باره‌گاى وه‌زاره‌ت ناوخوه‌يى ئيرانى سازكرد له‌باره‌ى ئمزاكردن ياداشتيگ له‌يكڕه‌سينه‌وه ئه‌را پته‌وكردن هاريكارى دولايه‌نه له‌ناونى هه‌ردوگ وه‌زاره‌ت ناوخوه‌يى ك به‌شدار بدێ له سه‌رخستن مه‌راسيم زياره‌ت چله‌ى ئاينده‌ى ئيمام حسێن و ئنسيابيه‌ت له‌تى زياتچيه‌يل له‌وه‌خت زياره‌تكردن بدێ.
ياسرى له به‌ياننامه‌يگ وت: رێ وشوونه‌يليگ له‌وه‌ر گيرياگه ئه‌را ئاسانه‌وكردن ئه‌نجامداين زياره‌ت چله و له‌وانه‌يش وازكردن ده‌روازه‌ى تازه ئه‌را زياره‌تچيه‌يل ك ئه‌ويش ده‌روازه‌ى مونزريه‌سه‌و له كه‌مى قه‌ره‌باڵغى باقى ده‌روازه‌يل تر كه‌مه‌و ئه‌كا وه‌ل له‌وه‌رگرتن رێ شوون مووركردن پاسه‌پۆرته‌يل وه ته‌نيا وه‌بى هه‌وه‌جه‌كردن وه ڤيزاو دامه‌زرانن ليژنه‌يگ باڵا له وه‌زاره‌ت ناوخوه‌يى ئه‌را سه‌رپه‌رشى له‌بان هاتنه‌ناو زياره‌تچيه‌يل و ده‌سه‌وه‌ركردن پاسه‌وانى خواست ئه‌رايان.
