عراق گه‌وراترين دويرگه‌ێ پيشه‌سازێ ئه‌را هه‌نارده‌ى نه‌فت باكوور كه‌نداو دامه‌زرنێد
شه‌فه‌ق نيوز/ كۆمپانياى نه‌فت به‌سره له ناوڕاس ئى مانگه ياداشتيگ له‌يه‌كڕه‌سينه‌وه وه‌ل كۆمپانيايگ هۆڵه‌ندى ئمزا ئه‌كا له‌وه‌ر داناين نه‌خشه‌ڕێ ئه‌را بنياتناين گه‌وراترين دويرگه‌ى پيشه‌سازێ له‌وه‌ر هه‌نارده‌كردن نه‌فت خام له ناوچه‌ى ده‌ريايى ياكوور كه‌نداو عه‌ره‌بى.
له‌و باوه‌ته‌و، رووژنامه‌ى ئه‌لسه‌باح نيمچه فه‌رمى له شماره‌ى ئمڕووى له زووان ئحسان عه‌بدولجه‌بار وه‌ڕيه‌وبه‌ر گشتى كۆمپانياگه وت: پيشبينى ئه‌كريه‌ێد له نيمه‌ى ئى مانگه كۆمپانياگه ياداشتيگ له‌يه‌كڕه‌سينه‌وه وه‌ل كۆمپانياى(بوس كالس)هۆڵه‌ندى ئمزا بكا له‌وه‌ر داناين نه‌خشه‌ڕييگ هاوبه‌ش و گشتگير وه‌خاتر دامه‌زرانن گه‌وراترين دويرگه‌ى پيشه‌سازى ئه‌را هه‌نارده‌كردن نه‌فت خام له ناوچه‌ى ده‌ريايى ياكوور كه‌نداو عه‌ره‌بى، ك جوور يه‌كيگه له گه‌وراترين دويرگه‌يل پيشه‌سازى له جه‌هان.
جى باسه، عه‌بدولجه‌يار هه‌ميش وت: ريككه‌فن كووتايى ئه‌و نه‌خشه‌ڕيه ئه‌گريده خوه‌ى له‌وه‌ر شيه‌وكردن گشت شيوازه‌يل ئه‌ندازيارى و لۆجيستى و وه‌به‌رهاوردن و ئابوورى و شوون نيشته‌جێ ئه‌را كاركه‌ره‌يل له‌ى پرووژه‌ى گه‌ورا.
