عه‌بدولمه‌هدى ئه‌را ماوه‌ى چه‌ن سه‌عاتيگ سه‌ردان سعوديه‌ ئه‌كا

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل، سوو چوارشه‌ممه‌ ئه‌را ماوه‌ى چه‌ن سه‌عاتيگ سه‌ردان شانشين عه‌ره‌بى سعودى ئه‌كا.

له‌ى باوه‌ته‌و، نوسينگه‌ى سه‌رۆك وه‌زيره‌يل له‌ به‌ياننامه‌يگ ئه‌را شه‌فه‌ق نيوز وت: عه‌بدولمه‌هدى له‌ى سه‌ردانيه‌ ئه‌را سعوديه‌ چه‌وێ ئه‌كه‌فێده‌ شا سه‌له‌مان بن عه‌بدولعه‌زيز و محه‌مه‌د بن سه‌لمان شازاده‌ له‌وه‌ر تاووتوێكردن په‌يوه‌نديه‌يل ناونى هه‌ردوگ وڵات و بارودوخ هه‌رێمى و هه‌وڵه‌يل ئه‌را ئارامه‌وكردن گرژيه‌يل و هه‌ڵويست جيگير عراق ئه‌را نيشانداين رۆڵ خاسيگ له‌باره‌ى دويره‌وخستن مه‌ترسى كيشمه‌كيش و گرژيه‌يل و دروسكردن خاسترين په‌يوه‌نديه‌يليگ وه‌ل گشت ده‌وڵه‌ته‌يل دووس و هاوسا.

جى باسه‌، عادل عه‌بدولمه‌هدى سه‌رۆك وه‌زيره‌يل سه‌ردان وڵات چين كرد وه‌ سه‌رۆكايه‌تى شانديگ باڵاى حكومى ك پيكهات له‌ وه‌زيره‌يل و پاريزگاره‌يل و شماره‌يگ له‌ وه‌رپرسه‌يل.