له كه‌ركوك په‌نج حاڵه‌ت تر تويشهاتن تازه وه كۆرۆنا تۆمار كريا
2020-04-02T10:00:27+00:00
شه‌فه‌ق نيوز/ وه‌ريه‌وبه‌رايه‌تى ته‌ندروستى پاريزگاى كه‌ركوك، ئاشكراى تۆماركردن په‌نج حاڵه‌ت تر تازه وه كۆرۆنا كرد له پاريزگاگه.
له‌ى باوه‌ته‌و، دكتۆر زياد جبورى ياريده‌ده‌ر وه‌ڕيه‌وبه‌ر ته‌ندروستى كه‌ركوك ئه‌را شه‌فه‌ق نيوز وت: ته‌ندروستى كه‌ركوك په‌نج حاڵه‌ت تر تويشهاتن تازه وه ڤايرۆس كۆرۆنا تۆمار كردگه.
جى باسه، جبورى باس له‌وه‌يش كرد ئه‌و تويشهاتگه‌يل وه‌ركه‌فته‌ى دويا كه‌س تويشهاتگ بوينه له ناوچه‌ى شۆريجه له پاريزگاگه و وه‌يه‌يش شماره‌ى حاڵه‌ته‌يل تويشهاتن له پاريزگاگه به‌رزه‌و بوى ئه‌را 10 كه‌س.
