یەکەم پاڵپشتی لەی شیوە.. رێککەفتنەیل جیهانی و ملیارا دینار ئەرا ئوور
شەفەق نیوز/ عامر عەبدولرەزاق وەڕێۆبەر وەشکین و ئاسەواری پارێزگای زیقار، راگەیان وەرگردن پاڵپشتی گەورەیگ ئەرا شار ئاسەواری ئوور ک یەکەمە لەی شیوە لە مەوقەی دامەزرانن دەوڵەت عراقی تا ئیسە.
عەبدولرەزاق ئەرا ئاژانس شەفەق نیوز وت: کۆبونەوەیل فرەیگ لە ماوەی گوزەیشتە لە ئەنجومەن وەزیرەیل ئەنجام دریا ئەرا رویکردن وەرەو بەرزەوکردن باوەت ئاسەواری لە شار ئوور، وتیش؛ عراق واژوو رێککەفتەیلیگ جهانی کردگە وەگەرد زانکۆەیلیگ جهانی جوور زانکۆی بنسلفانیا ئەرا خاسەوکردن بەشیگ لە شویتەیل ئاسەواری لەناو شار ئوور.
وتیش؛ حکومەت ١٩ ملیار دینار ئەرا دروسکردن شار ئیبراهیمی نزیک لە شار ئوور تەرخان کردگە، ک شوینەیلیگ گشتی لەناوی هەس، و ئەوەسا دەر بەرهەمهاوردن واز کریەێد تا بوودە روییگ گەشتوگوزاری لە نزیک ئوور.
عەبدولرەزاق وتیش؛ ئی پاڵپشتیە کەفتە دەس شار ئوور خوەی یەکەمە لە شیوەگەیەلە مەوقەی دامەزرانن دەوڵەت عراقی لە بیسەیل سەدەی گوزەیشتە.
