میسان.. تەقەلاێگ قاچاغکردن بڕ گەپێگ لە ماددی هوشبەر لە بەسرە شکستخوارد
شەفەق نیوز/ ئاژانس کاروبار پۆلیس وەزارەت ناوخۆ، ئمڕوو دوشەممە، ڕاگەیان تەقەلای قاچاغ بردن 6 کیلو مادەی هوشبەر شکست هاورد لەقەزای عەزیری باشوور پارێزگای میسان ک تواستن وەقاچاغ بوەنی ئەرا پارێزگای بەسرە.
ئاژانسەگە لە بەیاننامەێگ رەسیە ئاژانس شەفەق نیوز وت: "وە تەقەلای پاڵەوانەێل بەش دژە مادەێل هوشبەر و کاریگەری رەوانییەێلە، و سەرپەرشتی و وەەدۊیاچین ڕاسەوخۆ وەلایەن وەڕێوەر بەشەگە کریایە، توانینە (6 کیلۆ) مادەی کریستاڵ و (25000) حەب هوشبەر کۆنترۆڵ بکەن ک ئامادە کریابۊین وە قاچاق ئەرا بەسرە بورێد.
وتیش:"کۆنترۆڵ کردنەگە لەبان بنەمایێگ هەواڵگری و چەودێریی دۊرێگ بۊیە، لە ڕی تەڵە ئەمنی تۊنێگ لە ئاواێگ سەر وە ناحیەی عەزیر (ئاوای سوخرە)، لە ناو ماشین یەکێگ لە بازرگانەێلە دەس وەسەر مادە هوشبەرەێلە گریایە.
ئاژانسەگە لە بەیاننامەگە وت :"بازرگانەێل ماددە هوشبەرەێلە ئەڵهاتنە و سوود لە زەوی سەختەیلە و تاریکی شەو و فرەیی درەختەێل ئاوایەگە وەرگردنە، دۆمای گەمارۆ دانیان ماشینەگە وەجی هیشتن".
