هاوپه‌يمانى سه‌در وشدارى دا كازمى و لايه‌ن په‌يوه‌نديدار وه لاوردنى دياريكرد
شه‌فه‌ق نيوز/ هاوپه‌يمانى سائيرون ك له‌لايه‌ن موقته‌دا سه‌در سه‌ركرده‌ى ره‌وت سه‌درى پشتگيرى له‌لى ئه‌كريه‌ێد، وشدارى دا مسته‌فا كازمى سه‌رۆك وه‌زيره‌يل له‌باره‌ى شكه‌ستهاوردن له كار و ئه‌ركه‌يلى له‌ماوه‌ى ئه‌و 100 رووژه ك وه‌پى درياگه له‌لايه‌ن سه‌دره‌و، وه‌ل ئه‌وه‌يشا ئه‌و لايه‌نن وه‌رپرسه له لاوردن حكومه‌ت دياريكرد.
له‌ى باوه‌ته‌و، جه‌مال فاخر ئه‌ندام له‌بان هاوپه‌يمانى سائرون ئه‌را ئاژانس شه‌فه‌ق نيوز وت: له حاڵه‌تيگ ئه‌گه‌ر ماوه‌ى ئه‌و 100 رووژه ته‌واو بدێ و باوه‌ڕ نه‌ياشتيم وه ئه‌رك و كاره‌يل سه‌رۆك وه‌زيره‌يل تازه، ئه‌وه له‌ى حاڵه‌ته هه‌ڵويست و قسه‌يل تر ديريم، گشت رويداگيگ باس خوه‌ى ديرێد.
فاخر هه‌ميش وت: له‌ى باوه‌تيشه‌و ملله‌ت عراق قسه‌ى خوه‌ى ديرێد و ئيسه‌يش له نزيكه‌و چه‌وديرى برياره‌يل و جموجويله‌يل كازمى ئه‌كاو دوياخريش ملله‌ت خاوه‌ن قسه‌ى باڵاسه‌و ئالشتكردن حكومتيش ها ده‌سى و ئيمه‌يش پشتگيرى له هه‌ر بڕياريگ ئه‌كه‌يم ملله‌ت عراق بيه‌ێده‌ى.
