وەیجوورە پارێزگاگان بەشەوکریەن ئەرا بازنەیل هەڵبژاردن
شەفەق نیوز/ دەسەی یاسایی لە پەرلەمان عراق، رەسیە چارەسەر ناوڕاسیگ لەباوەت بەشەوکردن پارێزگاگان ئەرا بازنەیل هەڵبژاردن لە یاسای نوو هەڵبژاردنەگان.
وەگورەی شیوە پێشنیارکریایەگە لەلایەن دەسەی یاسایی، پارێزگاگان بەشەوبوونە بازنەیل هەڵبژاردن وەگورەی رێژەی دانیشتوەیل، و هەر چوار کورسی لە یەک بازنەی هەڵبژاردن دەرچوود.
وەگورەی خشتە ووردەگان ک دەسەگە پێشنیاری کرد، بەشەوکردنەگە لە دوو بازنە لەو پارێزگا ک ژمارەی دانیشتوەیلی کەمترە، تا رەسێدە ١٧ بازنە ئەرا ئەو پارێزگا ک ژمارەی دانیشتوەەیلی فرەترە.
وەگورەی پەیامنێر ئاژانس شەفەق نیوز؛ ئی چارەسەریە لەبنەمای بازنە ناوڕاسیەگان نیمچە زۆرینەی رای هێزە سیاسیەگان وەرگرێد.
و ئەوەسا ئی پێشنیارە لە دانیشتن چەوەڕیکریاگ ئمڕوو پەرلەمان خریەێدە وەردەس، جوور زەمینەسازییگ ئەرا ئەو یاسا ک بوودە بنەمای هەڵبژاردنە پەرلەمانیە زوینەگە لە حوزەیران ئایندە.
