گامەیل دروسکردن حکومەت نوو لەناو باوەت ناوبەین بارزانی و باڵیۆز بەریتانیا
شەفەق نیوز/ مەسعود بارزانی سەرۆک پارت دیموکراتی کوردستان، ئمڕوو دووشەممە، وەگەرد مایک برایسن باڵیۆز بەریتانیا لە عراق و دەیڤید هینت قونسوڵ گشتی بەریتانیا و شاد یاوەریان گردەو بوی.
هەردوگ لایەنەگە باس دویاترین گەشەیل مەیدان سیاسی عراق لەدویای هەڵوژاردن سەرۆک کۆمار کردن.
وەگورەی بەیاننامەی نویسینگەی بارزانی، هەردوگ لایەنەگە دووپات لە هاندان گامەیل لەباوەت دروسکردن حکومەت نوو عراق وەگورەی شایستەیل هەڵوژاردن کردن، وگرنگی جیوەجیکردن ئەو بەرنامە ک وەرد گشت لایەنەیل بەشدار لە کار سیاسی ڕێک کەفتنە، تا ئی بەرنامە بوودە جویر نەخشەیگ تا ری کار سیاسی لە عراق بکیشێد و وەرەو وەدەسهاوردن ئارامی تەکانی بەێد.
دووپات لە گرنگیدان وە رۆل ژن و وەتواناکردنی کریا، و پارت دیموکراتی کوردستان هەمیشە لە پیشکەشکردن ژنە گورجەیل پیشکەفتگ بویە، و هەمیشە رۆلیگ جیاواز ئەرا بەرزەوکردن کۆمەڵگا وەپی دایە.
