بارزانى: جه‌نگ تيرۆر لووتكه‌ى په‌يوه‌نديه‌يل ناونى هه‌رێم كوردستان و ئه‌مريكا بوێ

بارزانى: جه‌نگ تيرۆر لووتكه‌ى په‌يوه‌نديه‌يل ناونى هه‌رێم كوردستان و ئه‌مريكا بوێ
2020-02-16T19:27:40+00:00

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان و سه‌رۆك وه‌رين هه‌رێم كوردستان، وت: په‌يوه‌نديه‌يل ناونى هه‌ردوگ ملله‌ت كوردستانى و ئه‌مريكى ره‌سيه‌ لووتكه‌ له‌وه‌خت جه‌نگ دژ وه‌ تيرۆر.

 

بارزانى له‌ هه‌وارگه‌ى سه‌ڵاحه‌دين له‌ هه‌ولێر پيشوازيكرد له‌ شانديگ كۆنگرس ئه‌مريكى وه‌ سه‌رۆكايه‌تى سيناتۆر جه‌يمس ئينهۆف ئه‌ندام ئه‌نجومه‌ن پيره‌يل ئه‌مريكى و وه‌رپرس ليژنه‌ى هيزه‌يل چه‌كدار ئه‌مريكى وه‌ ياوه‌رى سيناۆر جۆن بوزمن و سيناۆر ماريون مايكڵ روندز و سيناۆر كيفن كرامير ئه‌ندامه‌يل ئه‌نجومه‌ن پيره‌يل و ترينت كيلى و تيموسى و ئه‌لبيرگ ئه‌ندامه‌يل ئه‌نجومه‌ن نوێنه‌ره‌يل ئه‌مريكى.

 

له‌و باوه‌تيشه‌و، نويسينگه‌ى بارزانى له‌ به‌ياننامه‌گ ك شه‌فه‌ق نيوز ئاگادارى بوێ وت: ئه‌و ديداره‌ له‌تى باس له‌ بارودوخ سياسى و دويايين ئاڵشتكاريه‌يل له‌ عراق و ناوچه‌گه‌ كرياو لاى خوه‌ييشه‌و شاند ئه‌مريكى ئامانج سه‌ردانه‌گه‌ى ئه‌را عراق و هه‌رێم كوردستان ئاشكرا كرد و جه‌خت له‌ خواست بته‌وكردن په‌يوه‌نديه‌يل دووسانه‌ كرد له‌ناونى هه‌ردوگ ملله‌ت ئه‌مريكى و كوردستانى و وت: جه‌نگ تيرۆر لووتكه‌ى په‌يوه‌نديه‌يل ناونى هه‌رێم كوردستان و ئه‌مريكا بوێ.

Shafaq Live
Shafaq Live