بارزانى له‌وه‌ر دويره‌وخستن كۆرۆنا داواى هاوكاريكردن حكومه‌ت ئه‌كا

بارزانى له‌وه‌ر دويره‌وخستن كۆرۆنا داواى هاوكاريكردن حكومه‌ت ئه‌كا
2020-03-14T19:31:37+00:00

شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، جه‌خت له‌وه‌ كرد حكومه‌ته‌گه‌ى وه‌رده‌وام ئه‌دێ له‌ گرتنه‌وه‌ر رێ وشوون خواست ئه‌را له‌ناوبردن ڤايرۆس كۆرۆنا و دويره‌وخستن ده‌ره‌نجامه‌يلى له‌بان ئابوورى هه‌رێم و داوايش له‌گشت لايه‌نه‌يل سياسى و مه‌ردم هه‌رێم كرد ئه‌ركه‌يل خوه‌يان جيوه‌جى بكه‌ن له‌ هاوكاريكردن حكومه‌ت.

 

بارزانى وتاريگ ئاراسته‌ى راى گشتى كوردستان كرد و له‌تى باس له‌و رێ وشوونه‌يله‌ كرد ك گيرياسه‌ وه‌ر ئه‌را روێ وه‌ڕوێ بوينه‌وه‌ى كۆرۆناو سوپاس گشتلايگ كرد ئه‌را پابه‌ندبوينيان وه‌ رينمايه‌يل و رێ وشوونه‌يل له‌وه‌رگيرياێ له‌ هه‌فته‌يل گوزه‌يشت له‌وه‌ر مقه‌يه‌تى له‌ سه‌ڵامه‌تييان و باس له‌وه‌يش كرد پشتگيرى و هاوكارييان فريه‌ گرنگه‌ ئه‌را پته‌وكردن رێ وشوونه‌يل وه‌خاتر رێگرى له‌ بڵاوبوينه‌وه‌ى كۆرۆنا.  

 

بازانى سوپاسگوزارييش له‌ ليژنه‌ى دامه‌زرياى وه‌زارى ئه‌را له‌ناوبردن كۆرۆناو لايه‌نه‌يل تايبه‌تمه‌ند له‌وه‌ر خاتر هه‌وڵه‌يليان ئه‌را مقه‌يه‌تيكردن له‌ سه‌ڵامه‌تى هاووڵاتيه‌يل و وه‌ردوامبوينيان له‌ دابينكردن هه‌وه‌جه‌يل رووژانه‌ى مه‌ردم و كۆنترۆڵكردن بازاڕه‌يل و له‌ هه‌مان وه‌خت ده‌سخوه‌شييش له‌ وه‌زاره‌ت ناوخوه‌يى و هيزه‌يل پۆليس و ئاسايش و يه‌كه‌يل ئدارى و وه‌زاره‌ ته‌ندروسييش كرد ك له‌ڕوێ مه‌يدانييه‌و كار ئه‌كه‌ن ئه‌را پيشكه‌شكردن خزمه‌تگوزارى وه‌ هاووڵاتيه‌يل وه‌ل تيمه‌يل فراگوزارى ته‌ندروسى و پزيشكه‌يل ك ژيان خوه‌يان خستنه‌سه‌ مه‌ترسى له‌وه‌ر خاتر مقه‌يه‌تى له‌ سه‌ڵامه‌تى گشتلايگ.

Shafaq Live
Shafaq Live