بارزانى پيرۆزبايى له‌ به‌هائه‌دين كرد و داواى پته‌وكردن يه‌كڕزى ئه‌كا

بارزانى پيرۆزبايى له‌ به‌هائه‌دين كرد و داواى پته‌وكردن يه‌كڕزى ئه‌كا
2019-12-29T19:08:37+00:00

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، له‌ په‌يوه‌ندييگ ته‌له‌فۆنى پيرۆزبايى له‌ سه‌ڵاحه‌دين به‌هائه‌دين ئه‌ميندار هه‌ڵوژرياێ گشتى يه‌كێتى ئسلامى كوردستان كرد وه‌ بوونه‌ى دوباره‌ هه‌ڵوژاننى وه‌ ئه‌ميندار گشتى يه‌كێتيه‌گه‌و ئوميد سه‌ركه‌فتن ئه‌راى خوازێ له‌ ئه‌رك و كاره‌يلێ.

 

وه‌ل ئه‌وه‌يشا بارزانى پيرۆزباييش له‌ به‌هائه‌دين كرد وه‌ بوونه‌ى سه‌ركه‌فتن كۆنگره‌ى هه‌يشته‌م يه‌كێتى ئسلامى كوردستان.

 

جى باسه‌، هه‌ر له‌و په‌يوه‌ندى ته‌له‌فۆنيه‌ بازرانى ئوميد پته‌وكردن برايه‌تى و يه‌كڕزى كرد له‌ناونى لايه‌نه‌يل كوردستانى له‌وه‌ر خاتر به‌رژه‌وه‌نديه‌يل باڵاى ملله‌ت كوردستان.

Shafaq Live
Shafaq Live