بمباران تورکی نوویگ لەبان باکوور هەولێر و ئاگرداین لەوەڕە سروشتیەگان

شەفەق نیوز/ فڕۆکە جەنگیەگان تورکیا، ئمڕوو یەکشەممە، بمبارانیگ کردن لە ناوچە کویەگان لە ناحیەی سیدەکان لە باکوور شار هەولێر پایتەخت ناوخۆیی هەرێم کوردستان.

سەرچەوەیگ وەرپرس خۆجێی ئەرا ئاژانس شەفەق نیوز وت: فڕۆکە جەنگیە تورکیەگان لەوەخت زوییگ لە شەوەکی ئمڕوو، مووشەک وەشانن ئەرا کویەی ''زاران'' و بەرزیەگان ''کایرشک'' لە ناحیەی سیدەکان.

وەرپرسەگە وتیش؛ بمبارانەگە ئاگر رەسانە لەوەڕە سروشتیەگان لەو ناوچەیل کویە. وەرپرسەگە هەمیش وت: بەشیگ لە شووانەیل ناوچەیل شووانییان هێشتنەجی لەڕخ نووەوبوین بمبارانەگە، وئاماژەدا ک فڕۆکەیل بیفڕۆکەوانەگان تا ئیسە هیمان هانە ئاسمان ناحیەگە.