بنه‌ماڵه‌ى "ماريا هه‌ورامى" وه تومه‌ت ناوزڕانن شكايه‌ت پياويگ ئايينى سه‌له‌فى ئه‌كه‌ن
شه‌فه‌ق نيوز/ بنه‌ماڵه‌ى گوورانيچڕ ماريا هه‌ورامى له‌باره‌ى قسه‌يل مه‌لا هه‌ڵو حه‌مه ره‌شيد پياو ئايينى سه‌له‌فى ئاشكراكردنيگ ئه‌يه‌ن و ئويشن ئه‌و مه‌لا وه‌هويچ شيوه‌يگ قه‌وميان نيه‌و ناسيارى وه‌ليا نه‌يرن.
له‌ى باوه‌ته‌و، بيستون هه‌ورامى براى ماريا له‌به‌ياننامه‌يگ وت: ئه‌و مه‌لا وه‌هويچ شيوه‌يگ وه قه‌وم خوه‌مان نازانيم و ئاشناييش وه‌ليا نه‌يرێم و هساويشى ناكه‌يم له‌بان بنه‌ماڵه‌گه‌مان، هه‌ر وه‌و خاتريشه بريار دايمنه له‌ڕێ ياساوه كار خوه‌مان بكه‌يم، با دادگا ماف ناوزڕانن و ته‌شهيركردن وه ماريا وه‌ربگرێده‌وه‌و ئه‌و مه‌لايشه له دادگا ته‌وزيح له‌باره‌ى قسه‌يلێ بيه‌ێد.
ئاماژه وه‌يه‌يش ئه‌كه‌ن، داواكارن ياسا سه‌روه‌ر بدێ و داواكار گشتى بيده‌نگ نه‌دێ له‌ى جووره قسه‌يله‌و هه‌ر جووره سوكايه‌تيكردنيگ كه وه‌هه‌ر كه‌سيگ له‌ى كوردستانه ئه‌كريه‌ێد.
جى باسه، زويتر مه‌لا هه‌ڵۆ حه‌مه ره‌شيد ئاشكراى كردوێد ك په‌شيمانه له‌و قسه‌يله له‌بان ماريا هه‌ورامى كرده‌سه‌ى و گورانيچڕه‌گه قه‌وميه‌و وه‌ى نزيكه‌يليشه سه‌ردانى ئه‌كا.
