تووپوارانیگ نادیار لەبان ئیزگەیگ لە دهۆک

 شەفەق نیوز/ ویستگەی ئیزگەی ناوخۆیی لە پارێزگای دهۆک، ئمڕوو سێشەممە، کەفتە وەر تووپوارانیگ نادیار و زەرەد گەورەیگ وەپی رەسان.   

یەکیگ لە کارمەنەیل ناو یەکیگ لە ویستگەیل ئیزگە و تەلەڤزیۆن لە پارێزگای دهۆک ئەرا ئاژانس شەفەق نیوز وت: یەکیگ لە ویستگەیل کەفتە وەر تووپواران لە دووڵ زاخۆ لەبان ری ناوبەین شار دهۆک و زاخۆ.  

سەرچەوەگە وتیش: تووپوارانەگە زەرەدەیل گەورەیگ رەدانە ئیزگەگە وەبی زەرەدەیلیگ گیانی.  لەو مەوقە، سەرچەوەیگتر ئەمنی ئەرا ئاژانس شەفەق نیوز وت:

ویستگەگە کەفێدە نزیک کەمپیگ سەربازی سەوەر سوپای تورکیا، ودیاری کرد ک تووپوارانەگە ئەو کەمپە کردیەسە ئامانج.