ده‌خيل شكايه‌ت له كه‌ناڵيگ سه‌ر وه خه‌نجه‌ر ئه‌كا وه تومه‌ت"خراوه وتن"وه ئافره‌ته‌يل ئێزيدى
شه‌فه‌ق نيوز/ ڤيان ده‌خيل سه‌ركرده له پارت ديموكرات كوردستان، ئاشكراى شكايه‌تكردن له كه‌ناڵيگ ئاسمانى سه‌ر وه خه‌ميش خه‌نجه‌ر پياو كار عراقى و سه‌ركرده‌ى پرووژه‌ى عه‌ره‌بى كرد، وه تومه‌ت خراوه وتن وه ئافره‌ته‌يل ئێزيدى.
ده‌خيل له به‌ياننامه‌يگ ئه‌را شه‌فه‌ق نيوز وت: وه‌ل ئه‌و هه‌مگه ژان و ناڕه‌حه‌تى و زه‌خمه‌يله ك هيمان خاسه‌و نه‌وينه چه‌ومان كه‌فته هه‌ڵقه‌يگ تايبه‌ت ك له‌تى خراو دريه‌يده ئافره‌ته‌يل ئێزيدى له دراماى(سڕكردن گشتى) ك له كه‌ناڵ UTV نمايش كريا.
ده‌خيل باس له‌وه كرد كه‌ناڵه‌گه قسه وه كيشه‌ى ئێزيديل كردگه‌و خراو وه ديانه‌ت ره‌سه‌ن و پيكهاته‌يل بنه‌ڕه‌تى له پيكهاته‌يل عراق داگه‌و ئه‌و مه‌ويسيه‌يل وه‌گشت رويدارييگ و سووكايه‌تييگه‌و وه‌كار هاوردگه و له‌تى هس وه وه‌رپرسيارێتى نيه له‌وه‌ر خاتر بازاڕكردن ئه‌را كار و كه‌ناڵه‌گه وه ئامانج قانجازكردن له‌بان هساو گيان و نامووس هه‌زاران قوربانى ئێزيدى و سه‌دان هه‌زار له رووڵه‌يليان پيكهاته‌يليان.
جى باسه، ده‌خيل هه‌ميش وت: وه‌گشت شيوه‌يگ ئى قسه‌يل بازاڕييه ك حه‌يابردن و سووكايه‌تيه ره‌ته‌و شه‌رمه‌زار ئه‌كه‌يم و ئاشكرايشى ئه‌كه‌يم له‌وه‌رده‌م راى گشتى ك ئيمه ده‌س كرديمنه‌سه له‌وه‌رگرتن رێ وشوون ياسايى ده‌رهه‌ق كه‌ناڵه‌گه‌و ئداره‌گه‌ى و ده‌رهه‌ق ئه‌نجامده‌ره‌يل ئه‌و كاره‌و ده‌رهه‌ق ده‌سه‌ى ره‌سانن و په‌يوه‌نديه‌يل له‌وه‌ر خراوه وتن وه ئافره‌ته‌يل ئێزيدى.
