پەرلەمانتاریگ: بەغداد ئەوەسا ٣٢٠ ملیار دینار ئەرا هەرێم کوردستان رەوانەکەێد تا کۆتایی ٢٠٢٠
شەفەق نیوز/ رێبوار کەریم ئەندام ئەنجومەن نوێنەران لە پارێزگای سلێمانی، ئمڕوو یەکشەممە، راگەیان هەرێم کوردستان رازیبوی ک دیوان چەودیری دارایی و دەزگای مەرزە سنوریەگان سەرپەرستی لە بان مەرزە گومرگیەگان لە هەرێم کوردستان بکەن.
کەریم لە ماڵپەڕە فەرمیەگەی خوەی لە بان فەیسبووک ئمڕوو، نووسان: هەولێر و بەغداد وەرجە چەن رووژیگ گفتوگۆ کردن لەبان رێککەفتنیگ وەرین، ک مووچەگان بیرێەید ئەرا هەرێم کوردستان، وئاماژەدا ک بەغداد وەگورەی داهات داراییەگان ٣٢٠ ملیار دینار ئەرا هەرێم کوردستان رەوانە کەێد، تا کۆتایی ساڵ ٢٠٢٠.
وتیش؛ وەگورەی بوودجەی ٢٠٢١ چارەنووس بەشەگەی هەرێم کوردستان یەکلاوە کریەێد، وحکومەت هەرێم رەزامەنی دا ک دیوان چەودیری دارایی ودەزگای مەرز سنوری فیدڕاڵی سەرپەرشتی لەبان گومرگەگان بکەێد.
موستەفا کازمی سەرۆک وەزیران، رووژ شەممە بڕیاردا ٣٢٠ ملیار دینار رەوانە بکەێد جوور بەشیگ لە مووچەگان ئەرا هەرێم کوردستان لە نزیکترین وەخت.
