کەسوکارەیل قوربانیەیل ئەنفال: ری وە هویچ وەرپرسیگ نیەیمن ئمساڵ لە ساڵیادیان بەشداری بکەێد
2023-04-12T14:11:21+00:00
شەفەق نیوز/ کەسوکارەیل ئەنفال لە ئیدارەی گەرمیان، ئمڕوو چوارشەکمە، راگەیانن ک ری وە هویچ لایەنیگ حکومەتی یا حزبی نیەن لە ساڵیاد ئەنفال ئمساڵ بەشداری بکەێد، چوینکە وەرجەیە داوایلیان وەجی نەهاوردنە.
کەسوکار و خاوەن قوربانیەیل ئەنفال لە ئیدارەی گەرمیان لە بەیاننامەیگ رەسیە ئاژانس شەفەق نیوز وتن: ری وە هویچ وەرپرسیگ حکومەتی یا حزبی نیەن لە ساڵیاد ئەنفال ئمساڵ بەشداری بکەن، وتنیش: ری وە دەسەڵاتەیل نیەن پەیمان گەورە بیەن ک نەتویەنن جیوەجیی بکەن، چوینکە دی نیەتویەنن ئیمە بویننن یا گووش لە داوایلمان بگرن، تا ساڵیاد ئایندە.
بەیاننامەگە داوا لە گشت بنەماڵەیل قوربانیەیل ئەنفال کرد، وەتایبەت ئەوانەگ چەن ساڵیگ پا لە ساڵیادەگە بڕینە، ئمساڵ بەشداری لە ساڵیاد کەلەمەی ئەنفال بکەن، تا دەنگ کەسوکارەیل قوربانیەیل ئەنفال بوودە یەک دەنگ، ک خوەی ریگردنە لە بەشداریکردن هەر وەرپرسیگ حکومەتی یا حزبی لە ساڵیادەگە.
