شاندیگ پێشمەرگە روی کەێدە واشینتۆن ئەرا ئامادەبوین لە بەرنامەی نیسا

شەفەق نیوز/ شاندیگ لە وەزارەت پێشمەرگە لە حکومەت هەرێم کوردستان، ئمڕوو شەممە، روی وەرەو ئەمریکا کرد، ئەرا بەشداریکردن لە بەرنامەی ئاژانس ئاسایش نەتەوەیی، وئەنجامدان زنجیرەیگ لە گردەوبوین لە واشنتۆن.  

وەزارەتەگە لە بەیاننامیگ رەسیە ئاژانس شەفەق نیوز وت: شاند پێشمەرگە ئەوەسا لە زنجیرەیگ لە گردەوبوین وکۆڕ بەشداری کەێد ک ریخریاگ NESA ی ئەمریکی رێکی خەێد.  

وتیش: ئەوەسا شاند پێشمەرگە دیدار و گردەوبوین لە واشنتۆن ئەنجام دەێد، وەگەرد بەشداریکردنی لە گشت بەرنامەیل NESA ئەرا توێژینەوەی ستراتیژی لە ئاست ناودەوڵەتی، تایبەت لە ناوچەی خوەرهەڵات ناوڕاس.     

NESA کۆنگرە وکۆڕ ساڵانە لەی باوەتە سازێد، وفرەجار گەورە وەرپرسەیل لە فرەی دەوڵەتەیل هاوپەیمان ئەرا بەشداریکردنی مکیس کەێد.