پێشمەرگەی ژینگە خرسیگ لە ئاوای قەسروک لە هەرێم کوردستان رزگار کەێد
2023-07-30T12:33:42+00:00
شەفەق نیوز/ دکتۆر سولەیمان تەمر، سەرۆک ریخریاگ کوردستان ئەرا ماف ئاژەڵ لە پارێزگای دهۆک، ئمڕوو یەکشەممە، رزگارکردن خرسیگ لە هەرێم کوردستان راگەیان، ئەوەیش دویای رەسین ئاگاداری کە خرسیگ لە تەڵەی کشاوەرزیگ لە ئاوای قەسروک سەروە ناحیەی درکار لەبان سنوور تورکیا باکوور زاخۆ گیر هاتیە.
تەمر ئەرا ئاژانس شەفەق نیوز وت: هیزەیل پیشمەرگەی ژینگە زانیاری لەو خرس شەکەتە دویای کەفتنی وەقەپ تەڵەگە وەپیان رەسیە، کە هیشت وەکوتپڕ روی وەرەو شوینەگە بکەن.
دکتۆر سولەیمان لە پارچە ڤیدیۆییگ وەگەرد ئەندامەیل پیشمەرگە دەرکەفت، هەناێ ئەو خرسە مەرەقەز کەن، و خرسەگە سەر و سینەی زەخمدار بویە، و دویای تیمارکردن زەخمەیلی مەرەقەز کریا.
ئی کارە لە تەقەلایل ریخریاگ کوردستان ئەرا ماف ئاژەڵ لە هەرێم کوردستان تیەێد ئەرا مقیەتیکردن هەمەڕەنگی ژینگە و ئاژەڵەیل هشکایی، و پابەندییان وە مقیەتیکردن ژینگە و مسۆگەرکردن بیوەیی ئاژەڵەیل و گلەوداینیان ئەرا ناو ژینگە نشان دەێد.
