فریاکەفتن سلێمانی: مردن و زەخمداری چوارکەس وە رویداو هیزگردن ئاگرەگەی کارخانەی قیر
نادر لە بەیانیگ رووژنامەوانی راگەیان، داوا لە هاوڵاتیەیل کەیمن دویرەوبکەفن چوينکە ئەگەر تەقیان و فراوانبوین ئاگرەگە هەس.
وتیش " لەو باوەڕیمن ئاگرەگە وە ئاسانی کۆنترۆل نەکريەێد هەرچەنە تیمەیل ئاگرکپەوکردن وەرگیری شارستانی کارکەن ئەرا کپەوکردنی".
سەرچەوەی تایبەتیگیش وە ئاژانس شەفەق نیوز وت، ئاگرەگە شەوەکی ئمڕوو هیزگردیە لەناو ئەمار کارخانەی قیر لە دەوروگەرد ناحیەی عەربەت لە باشوور خوەرهەڵات سلێمانی وەبی ئەوەی هووکارەگەی بزانریەێد.
وتیش، ئاگرەگە لەناو یەکیگ لە ئەمارەیل قیر هیزگردیە و کۆنترۆل نەکریاگە، وەپای زانیاری سەرەتایەیل ئاگرەگە بویەسە مدوو مردن کابرایگ خەڵک سلێمانی کە رانندەی بارهەڵگر نەفتە، و زەخمداربوین دوو کەس خەڵک قەزای بەردەڕەش و کەس سێیەم قەڵک قەزای دەربەندیخان.
سەرچەوەگە وتیش، زەخمدارەیل ئەرا خەسخانەی سزیان سلێمانی کلکریانە، و پەنج تیم وەرگیری شارستانی وەگەرد تیمەیل قورتارکردن ترەک لە سلێمانی رەسینەس ئەرا کۆنترۆلکردن ئاگرەگە.
