كوردستان له‌ماوه‌ى 48 سه‌عات چاره‌نويس مزگفته‌يل له ره‌مه‌زان يه‌كلاوه ئه‌كا
2020-04-20T21:08:31+00:00
شه‌فه‌ق نيوز/ وه‌زاره‌ت ئه‌وقاف و كاروبار ئايينى له هه‌رێم كوردستان عراق، ئاشكراى دياريكردن چاره‌نويس وازكردنه‌وه‌ى مزگفته‌يل يا وازنه‌كردنيان كرد له مانگ ره‌مه‌زان له ماوه‌ى 24 سه‌عات ئاينده.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: خواسته ك سوپاسگوزارى پيشكه‌ش وه نمازخوه‌نه‌يل و پياوه‌يل ئايينى بكريه‌ێد له‌وه‌ر ته‌حه‌مول و وه‌رگريكردنيان و پابه‌ندبوينيان وه رينمايه‌يل ته‌ندروستى تا گشتلايگ وه‌يه‌كه‌و ريگرى له بڵاوبوينه‌وه‌ى ڤايرۆس كۆرۆنا بكه‌ن.
جى باسه، به‌ياننامه‌گه هه‌ميش وت: خوه‌شبه‌ختانه ئه‌و رێ وشوونه‌يله ك حكومه‌ت هه‌رێم كوردستان گرته‌يانه‌وه‌ر خاستر بويه له فريه‌يگ له ده‌وڵه‌ته‌يل له‌وه‌ر خاتر زه‌ره‌د په‌تاى كۆرۆنا كه‌متر بدێ.
