مەسعود بارزانی یاد کیمیاواران بالیسان و شێخ سنان کەێد: قەت لە هویر نیەچوود
2023-04-16T10:06:09+00:00
شەفەق نیوز/ مەسعود بارزانی سەرۆک پارت دیموکرات کوردستان، ئمڕوو شەممە، یاد پەلامار کیمیایی وەلایەن رژیم وەرین لەبان بالیسان و شێخ سنان کرد.
بارزانی لە پۆستیگ ک ئاژانس شەفەق نیوز نووڕیەی وت: تاوانەیل کیمیاواران لەبان ناوچەیل بالیسان و شێخ سنان و دووڵ خۆشناوتی و گشت ئەو تاوانەیلە ک لەبان گەل کورد جیوەجی کریان، زەخمەیل قویلن لە لەش گەلمان، و قەت لە هویر نیەچوود.
وەرجە ٣٦ ساڵ، رژیم بەعس وە چەک کیمیایی پەلامار دووڵ بالیسان و ئاوایەیل شێخ سنان (دووڵ خۆشناوتی) دا، ک بویە هوکار کوشیان ٢٦٣ کەس و زەخمداری ٦٢٠ کەس.
